Úllalaaaaaaa

Skemmtifrétt dagsins í dag.  Ég er sannfærð um það að fólk mun sjá það er nær dregur kosningum að Besti Flokkurinn er er kærkomin og virkilega það afl sem vert er að veita brautargengi í komandi kosningum

Besti flokkurinn hefur lofað að efna engin kosningaloforð en ég er sannfærð að Jón Gnarr og félagar munu bægja frá hræsni og frekju sem hefur viðgengist í ráðhúsinu ekki síður en á stjórnarheimilinu.

Það er enginn eðlismunur á að stjórna stóru eða litlu heimili, aðeins stigsmunur.  Til að vel megi fara þarf enga BS gráðu, heldur kænsku, ríka réttlætiskennd, heiðarleika, umburðarlyndi, dugnað og ósérhlfni. 

Ég þekki til flestra sem eru líklegir inn af lista Besta Flokksins,  þar eru menn og konur sem hafa tekið til í eigin ranni, dugnaðarfólk með ríka kímnigáfu.  Eftir hverju eruð þið að bíða, skráið ykkur í Besta Flokkinn.  Verið samferða inn í betra og réttlátara samfélag  og skemmtilegra.

Besti flokkurinn stærstur í Reykjavík

Athugasemdir

[Anna Einarsdóttir, 19.5.2010 kl. 21:43]

Það er hreint og klárt mannréttindabrot á okkur landsbyggðarfólkinu að gefa okkur ekki kost á að kjósa Besta flokkinn. 

Við fáum bara að kjósa eitthvað verra.

[Ingibjörg Friðriksdóttir, 19.5.2010 kl. 23:02]

Þetta er rétt hjá þér Anna og sennilega kærutækt í Hæstarétti.  Ég mun að sjálfssögðu koma þessu til minna manna með því að senda þetta komment beint til borgarsonarins.

[Ingibjörg Friðriksdóttir, 19.5.2010 kl. 23:42]

Það er til lausn á vandamálinu.  Sá þetta á síðunni hjá borgarsyninum Jóni Gnarr.

Pétur Magnússon

Það er mjög einfalt að sýna hug sinn í verki. Maður nokkur á Ísafirði ætlar að kjósa Besta Flokkinn. Hann ætlar einfaldlega að skrifa nafn Besta Flokksins og teikna kassa fyrir framan nafnið og x-a við það.

Fyrir 2 mínútum

[Anna Einarsdóttir, 19.5.2010 kl. 23:58]

Ok. 

Fer að æfa mig að teikna kassa.