Maður að meiri

Þremur mánuðum of seint, en einhverstaðar stendur skrifað: „ Aldrei of seint“

Ég er jafnaðarmaður og fagna því að maður úr mínum röðum sé fyrstur til að axla ábyrgð, ef frá er talinn forsetinn okkar sem fyrstur varð til að nefna á lækka ætti laun æðstu embættismanna og með orðum sínum játaði að bæði hann og aðrir hefðu farið offari í að mæra útrásina.

Nú vona ég að Árni Matt (sem er algjörlega vanhæfur vegna krosstengsla)segi af sér og Geir Hilmar hafi hafi þá skynsemi til að bera að stíga til hliðar og hleypa ÞOrgerði Katrínu að sem getur þá í kjölfarið sagt upp seðlabankastjórunum.

Það þarf hugrekki til að sleppa takinu og við verðum að fá að ætlast til þess að þeir sem veljast til forystu hafi það hugrekki.

Björgvin! Hafðu þökk fyrir þitt innlegg, þrátt fyrir að þú eigir ekki sök á útrásinni sem setti okkur í þessa stöðu, en þið áttuð að hlusta á viðvaranir.

ÁFRAM ÍSLAND!

Björgvin segir af sér

Athugasemdir

[Brattur, 25.1.2009 kl. 12:11]

já, nú er allt að gerast... það koma fleiri tíðindi í kjölfarið... það má bóka...

[Rut Sumarliðadóttir, 25.1.2009 kl. 13:29]

Sammála Imba, aldrei þessu vant eða þannig. Kannski fullseint en betra seint en aldrei. Held að hann hafi verið doldið bláeygur og óreyndur karlinn en hann er eflaust búinn að fá góða kennslu í íslenskri pólitík, vona að fleiri komi í kjölfarið.

[Anna Einarsdóttir, 25.1.2009 kl. 16:16]

Mér líst ekki á að Þorgerður Katrín fái þau blóm í hnappagatið sem fylgja því að reka Davíð.  Ég vil að Geir sjái um það sjálfur að reka hann...... eða það sem best væri....að Davíð sjálfur opni augun og uppgötvi að hans tími er kominn.

[Ingibjörg Friðriksdóttir, 25.1.2009 kl. 16:20]

Auðvitað rétt athugað hjá þér Anna, en það er nú að æra óstöðugan að halda að Davíð opni augun, hann er staurblindur ef ekki siðbl......

[Anna Einarsdóttir, 25.1.2009 kl. 20:14]

Æi nei.

Við viljum afsögn ráðherra.  Tökum þá afsögn fagnandi.  Ha ! 

Hvað forstjóra Fjármálaeftirlitsins varðar - hörmulegt ef við eigum að fjármagna alls kyns starfslokasamninga fyrir menn sem ekki unnu fyrir kaupinu sínu meðan þeir unnu. 

[Ingibjörg Friðriksdóttir, 25.1.2009 kl. 20:30]

Betra er seint en aldrei stendur einhverstaðar Ægir.

átta millur koma í okkar hlut aftur, en ég vona með nýju Íslandi verður þessum starfslokasamningum komið fyrir kattarnef.  Þegar fólk þarf að segja af sér, það er setning sem kemur í stað þess að vera rekinn. Þá á það ekki að fá nema þriggja mánaða laun í allra allra hæsta lagi.

Ég skammast mín fyrir að vera hluti af þessu samfélagi.  Allavega  í dag.