Það er komið haglél

Það er alveg ótrúlegt hvað maður getur skemmt sér vel og það alveg ókeypis.´

Þessi linkur er fyrir þá sem eru með kosningarétt í Reykjavík.  Alveg ókeypis.

ps  Líka fyrir þá sem búa út á landi og ætla að útbúa nýja línu fyrir Besta flokkinn.

Jóhannes Ragnarsson!  Takk fyrir komuna og njóttu!

http://www.youtube.com/watch?v=64tPSCIHCrA

Auðvitað kona

Það er auðvitað bölvað að geta ekki haldið fram hjá án þess að upp komist.  Það á bara að setja það í stjórnarskrá að bannað sé að setja nokkuð það á prent sem hugsanlega getur komið upp um framhjáhald eða önnur eins skemmtilegheit.

Vonandi fær þessi kanadíska eitthvað upp úr krafsinu. 

Lögsækir símafyrirtækið vegna framhjáhalds

Úllalaaaaaaa

Skemmtifrétt dagsins í dag.  Ég er sannfærð um það að fólk mun sjá það er nær dregur kosningum að Besti Flokkurinn er er kærkomin og virkilega það afl sem vert er að veita brautargengi í komandi kosningum

Besti flokkurinn hefur lofað að efna engin kosningaloforð en ég er sannfærð að Jón Gnarr og félagar munu bægja frá hræsni og frekju sem hefur viðgengist í ráðhúsinu ekki síður en á stjórnarheimilinu.

Það er enginn eðlismunur á að stjórna stóru eða litlu heimili, aðeins stigsmunur.  Til að vel megi fara þarf enga BS gráðu, heldur kænsku, ríka réttlætiskennd, heiðarleika, umburðarlyndi, dugnað og ósérhlfni. 

Ég þekki til flestra sem eru líklegir inn af lista Besta Flokksins,  þar eru menn og konur sem hafa tekið til í eigin ranni, dugnaðarfólk með ríka kímnigáfu.  Eftir hverju eruð þið að bíða, skráið ykkur í Besta Flokkinn.  Verið samferða inn í betra og réttlátara samfélag  og skemmtilegra.

Besti flokkurinn stærstur í Reykjavík

Er einhver munur á kúk og skít?

Ég sé engan mun á því að selja útlendingum eða Íslendingum á HS Orku.   Ekki voru það útlendingar sem fóru með bankana okkar í þrot.  Ég skil ekki þetta útlendingahatur. 

Hinsvegar þá er ég alfarið á móti því að orka sem fæst úr iðrum jarðar eða úr nátturunni sé til sölu..  Hún er þjóðareign og á að vera það.

Þessi svokallaða vinstri stjórn sem ég hef þráð að liti dagsins ljós frá því ég fékk kosningarétt, veldur mér þvílíkum vonbrigðum að ég get varla á heilli mér tekið.

Þeir boða sparnað með niðurskurði á grunnþjónustu en láta hjá líða að taka til heima hjá sér.  Afhverju eru þeir að fá extra greiðslur fyrir nefndarstörf sem þeir vinna á lögboðnum vinnutíma?  Afhverju njóta þeir forréttinda fram yfir annað fólk?  Sveiattan, skítalykt af málinu.

Hlakka til þegar Besti flokkurinn fer að taka til hérna í borginni........ síðan á landinu.

http://www.youtube.com/watch?v=BEOVH_cDRik

Harmar sölu til útlendinga

Það er ekki að spyrja að íhaldinu.

Flýta sér fyrir kosningar.  Þetta siðspillta lið við Reykjavíkurtjörn er búið að sýna og sanna að það hefur ekkert lært.

Það mun fara fyrir orkunni eins og bönkunum sem blæddu út og við munum þurfa að blæða fyrir .

Hafið þið heyrt um buisness mergsugur með réttlætiskennd?  Ekki ég.  Hverjar eru röksemdirnar við sölu þessarri?  Spyr sá sem ekki veit.

 

Magma eignast 98,53% í HS Orku

Hvar værum við á Evu?

Ég held að Eva Joly verði minnst eins og Jóhönnu af Örk þegar tímar líða.  Hún verði tekin í dýrlingatölu.  Svo er það Willi svarti.  Hvar værum við ef við ættum ekki að Egil Helgason sem hefur bæði þorað og látið vaða......

Fyrst Kaupþing, svo Landbankinn og Glitnir eða Íslandsbanki.  Ég hlakka mest til þegar Sparisjóðirnir verða skoðaðir því þá held ég að við sjáum svolítið sem er vont en okkur er hollt að sjá.  Hverjir áttu stofnfé, hvernig eignuðust þeir það og hvað varð til þess að þeir seldu það á svona hárréttum tíma.......

Já, góðir Íslendingar.  Bíðum eftir þvi þegar farið verður að ræða tillögu Þráins Bertelssonar þá kannski munu opnast augu ykkar, nema að Besti flokkurinn verði búinn að koma vitinu fyrir okkur.

Rannsóknin gæti tekið 4 ár

Blessuð sértu sveitin mín....

Þetta gos er farið að koma verulega við mig sem segir mér hvað?  Jú,  hver er sjálfum sér næstur....

Ég veit að hvorki formælingar né fyrirbænir breyta nokkru um þær hörmungar sem Eyjafjallajökull veldur um þessar mundir.  Ég ætla samt að biðja Drottin lengur og heitar um að þessu gosi fari að ljúka.

Sendi bestu kveðjur og óskir austur fyrir fjall og bið góðan Guð að nú komi hellirigning sem mun hjálpa til við hreinsunarstarfið.

Aska yfir öllu

Takk og pris!

Tel að það væri ágætt hjá okkur að gera samning við Noreg að vera undir þeirra stjórn í 5-10 ár.  Leggja niður öll íslensku ráðuneytin í þann tíma og skuldbinda okkur til að lúta´yfirráðum norskra stjórnvalda og hylla konung þeirra.  Gefa síðan Ólafi Ragnari frí það sem eftir er svo hann hafi tíma til að heimsækja vini sína í fangelsi næstu árin.

Tíminn sem gæfist á meðan íslenskir stjórnmálamenn væru í frí, allt að því launalausu, sanngjarnt væri að greiða þeim samsvarandi atvinnuleysisbótum.  Já, tímann væri hægt að nota í endurmenntun þar sem aðalfagið væri lög og réttur ásamt sið- og siðprýði.

Heia Norge. Nu er snart 17, maí.... og da vil vi gratulere med dagen

Norðmenn koma til aðstoðar

Aggagagg sagði tófan á grjóti......

Siggi er úti og neglurnar nagar,

það næst ekki í hann, með veggjum hann fer.

Logandi hræddur um Lundúnir kjagar,

með lágfótu kroppandí hælaná sér....

Aaggagagg segir Eva á grjóti. Aaggagagg hvæsir tófan á grjóti.
Allanga tugthúsvist ætla ég hann hljóti, aumingja Siggi hann þorir ekki heim

(stolið af fésinu hjá henni systur minni)

Interpol lýsir eftir Sigurði

Mikið lifandis skelfing og ósköp er .......

Þessir stjórnmálamenn......

Þeir geta ekki komið sér saman um neitt, þeir eru svo uppteknir af eigin hag.

Að sjálfssögðu á að fækka ráðuneytum, það þarf ekkert að bíða með það.  síðan á að fækka þingmönnum.  það er ekki flókið að sjá út hvað ´þjóðinni er fyrir bestu.  Sýna hagsýni, halda í verðmæti, horfa til framtíðar um leið og maður lærir af fortíðinni. Númer eitt tvö, þrjú og síðast að skerða grunnþjónustuna sem allra minnst og bara tímabundið,.  Skerða öll laun sem eru yfir 600. þúsund til að hafa efni á því að  Ráða Þorvald Gylfason og William K. Black ásamt því að fá pólska fjármálaráðherrann hingað og sýna hvernig þeir tóku á stjórnmála og embættismönnum sem með aðgerðum og aðgerðarleysi sett Pólland svo gott sem á hausinn....

Ég þoli ekki þetta sjálftökulið sem íhugar að setja Rögnu Dómsmálaráðherra út af sakramentinu til þess að fá Ögmund inn.  Reyndar mun sú aðgerð gera út af við þessa ríkisstjórn því það verður einfaldlega ekki liðið.

Hvaða ráðherra mun víkja þegjandi og hljóðalaust, þrátt fyrir að þeir viti að það muni vera best fyrir þjóðina...   Enginn.  Það er sorglegt að verða vitni að getuleysi stjórnmálamanna.

Breytingar ræddar áfram