Ég segi eins og GG: Þetta er skandall!

Djé...... sjálftökukóngurinn. Skyldi hann halda jeppanum og halda áfram að lesa fréttir.  Ég tek ofan fyrir Þórhalli. Hann hefur ekki getað sætt sig við þessar aðgerðir.

Bara konum sagt upp. Þetta er SKANDALL! Ef Katrín Jakobsdóttir samþykkir þessar aðgerðir er mér allri lokið.

Hvernig væri að við konur söfnuðumst ...fyrir framan útvarpshúsið og fleygðum þessum Páli út eins og Dabba úr seðlabankanum.

Fréttir að undanförnu sýna að mjög margir stjórnmála og embættismenn eru gjörspilltir og kunna ekki að fara með völd. 

Mér finndist heillavænlegra að að skerða vinnutíma fólks heldur en að segja því upp. 

KATRÍN!  Láttu þetta ekki viðgangast!

Margir missa vinnuna á RÚV

Athugasemdir

[Baldur (IP-tala skráð) 21.1.2010 kl. 21:28]

Hættu þessu kjaftæði kona.  Það fá fleiri uppsagnarbréf á morgun og eflaust jafnast þá um kynin.  Í svona uppsögnum er oftar en ekki byrjað á þeim getuminni.  Í þessu tilfelli hefur t.d ein af þessum konum staðið sig afar illa án þess að fara nánar út í það.  BARA LÖNGU TÍMABÆRT AÐ SKERA NIÐUR Á RÚV! Auðvitað óskar maður engum þess að missa vinnuna en þú skalt ekki vera með þetta innihaldslausa kynjakjaftæði!!

[Ingibjörg Friðriksdóttir, 21.1.2010 kl. 22:03]

Baldur, Vertu kurteis við konur

[Guðjóna (IP-tala skráð) 21.1.2010 kl. 22:56]

Sammála Baldri. Í fréttinni er sagt að allt að 18 manns fái reisupassann. Aðeins 4 konur eru nefndar með nafni í fréttinni. Það gæti alveg eins verið að hinir 14 séu karlar. Bíddu bara áður en þú sért með innihaldslaust kvennakjaftaði. Ef fleiri karlar verður sagt upp eiga þá karlarnir að mæta og mótmæla????? Hvað gerir Katrín ef í ljós kemur að fleiri karlar fái að fjúka??

Þetta hefur ekkert með kyn að gera.

[Ingibjörg Friðriksdóttir, 21.1.2010 kl. 23:07]

Ef þið hafið lesið pistilinn minn elskulegu gestir mínir, þá sjáið þið að ég er aðallega að mótmæla hvernig Páll Magnússon vinnur.  Hann er með meira en milljón á mánuði, hefur bíl til umráða og les svo fréttirnar og fær að ég held 20þúsund fyrir skiptið.

Ég er á móti uppsögnum, tel að það eigi að skipta þeirri vinnu sem er að hafa á milli þeirra sem fyrir eru.  Tel það betra að fólk sé í vinnu heldur en að vera á bótum.  Ef þið viljið kalla þetta kvennakjaftæði í mér, þá er það sársaukalaust af minni hálfu.  En endilega haldið áfram að kíkja við, þið eruð svo skemmtileg

Gestir eru ávallt til gleði, ef ekki þegar þeir mæta á svæðið, þá alla vega þegar þeir yfirgefa það.

[Guðjóna (IP-tala skráð) 21.1.2010 kl. 23:18]

Hæ, hæ

 Þú segir reyndar orðrétt "Bara konum sagt upp. Þetta er SKANDALL! Ef Katrín Jakobsdóttir samþykkir þessar aðgerðir er mér allri lokið."  Fréttin nefnir 4 konur en ekki hina 14. Kannski verður 18 konum sagt upp og þá hefur þú rétt fyrir þér.

 Er samt sammála þér að betra sé að deila vinnunni á milli starfsmanna og að Palli sé á háu kaupi, en aðrir fréttamenn eins og Elín og Þóra hafa líka verið með hátt kaup (um milljón á mánuði).

[Steingrímur Helgason, 22.1.2010 kl. 00:49]

Ég reyni nú oftazt að vera bara kurteiz við fólk.

Zkil því ekki af hverju maður þurfi endilega að vera bara kurteiz við konur, zem einhvern forréttindahóp, eiginlega.

[Ingibjörg Guðrún Magnúsdóttir, 22.1.2010 kl. 00:56]

Sæl Ingibjörg, tek undir með þér, það eru BARA nefndar Konur á nafn, og það er ekki gott. Þessir menn sem eru greinilega með andúð á konum hérna á síðunni þinni ættu að skammast sín fyrir þessi ummæli. Að konur séu með innihaldslaust kjaftæði, eða getuminni... hverslags aðför er þetta á konur eiginlega hérna...

[Guðrún (IP-tala skráð) 22.1.2010 kl. 09:01]

Páll útvarpsstjóri er á allt of háum launum og það hefði verið vænlegra að bjóða starfsfólkinu að taka á sig ákv. skerðingu heldur en að segja upp... ég dauðsé eftir Kastljósfólkinu og Elínu Hirst - flott fjölmiðlafólk! Það er hætt við að Kastljós verði hálf bitlaust eftir þessa blóðtöku, einmitt þegar þörf er á beittri umfjöllun.

[Baldur (IP-tala skráð) 22.1.2010 kl. 09:35]

Andúð á konum, hvurslags rökleysa er þetta!  Á gull af konu og dóttur sem ég er afar stoltur af og mikið af hæfum og duglegum konum í mínu lífi.  Það skiptir hinsvegar engu máli um hlutföll kynja í þessum uppsögnum hjá RUV.  Þarna eru bara valdir aðilar til þess að segja upp á faglegum forsendum.  Veit það t.d að störf Þóru hafa ekki verið uppá marga fiska.  Aldrei sjáið þið karlmenn væla ef hlutföll þeirra eru hærri, aldrei.  Heiðvirðar duglegar konur væla heldur ekki, yfirleitt eru þetta feministar sem væla enda óttalegar væluskjóður.  Að segja að maður hafi andúð á konum vegna þessa er ólýsanlega heimskulegt, viðurkenni þó fúslega að ég hef andúð á öfgafeministum sem berjast ekki fyrir jafnrétti heldur órétti. 

[Ingibjörg Friðriksdóttir, 22.1.2010 kl. 12:29]

Ég er orðin svo „paranojuð“ að ég held að einhverjir séu að taka bitið úr Kastljósinu.  Þegar skýrslan kemur út, gæti það reynst betra fyrir suma að ekki yrði mikið fjallað um hana eða það sem út úr henni kemur.

Mig langar að safna fyrir blómum og færa Þórhalli.  En hendum Páli út, hann er leiksoppur þeirra sem ábyrgð bera á hruninu.  Það er alla vega tilgáta mín.  Takið eftir tilgáta.

[Karma (IP-tala skráð) 22.1.2010 kl. 14:22]

Ég vil bara benda á líkt og Guðjóna að ekki er minnst á nöfn og kyn hinna starfsmannanna sem sagt er upp.

Einnig má minnast á það að fyrir þessar uppsagnir voru 4 af 5 starfsmönnum Kastljóssins konur og því erfitt að segja upp fleiri en einum karlmanni. Eftir uppsagnir eru einn karl (starfsaldursforsetinn Sigmar) og ein kona (hin ólétta Ragnhildur Steinunn) starfandi þar.

Það gerir engum gagn að reyna að mála þetta með einhverjum kynjamálningu.

Ég get líka upplýst fólk um að vinnutími og laun þess starfsfólks RÚV sem vinnur bak við myndavélarnarhefur verið skertur töluvert og erfitt að skera meira þar.