Hver er þessi Lára?

Ég held að við ættum að fara að skoða þá sem hanga á spena íslensku þjóðarinnar.  Hvað er í gangi hérna?  Hér eru embættismenn og þjóðkjörnir stjórnmálamenn með þannig siðferði og þankagang að ég held að við ættum að fara ýta við þessu liði, allavega stoppa launagreiðslur til þeirra.  Ef að seðlabankastjóri getur ekki lifað af 13 hundruð þúsundum, þá getur hann farið í eitthvað annað. 

Að heilbrigð manneskja skuli leggja það til að hækka laun einhvers um rúmlega tvöföld verkamannalaun segir mér að annað hvort sé ég bara öfundsjúki asninn eða þeir snarbrjálaðir með svo skerta siðferðisvitund að þeim væri hollast að flytja til Tortóla.

Svo er það Steinun Valdís sem greiddi manni sínum meira en árslaun verkamanns fyrir hugmyndavinnu.  Hugmyndirnar um hvernig best væri að tryggja henni áfram launaða vinnu hjá okkur. H.... F..... F.....

Er búin að segja mig úr fjórflokkakerfinu og tekin saman við grínframboðið.  Ég ætla a.m.k. að hafa gaman að öllu klúðrinu.

Skorar á Láru að draga tillögu til baka

Athugasemdir

[Ingibjörg Friðriksdóttir, 3.5.2010 kl. 16:19]

Ég veit að það eiga að vera tvö enn í Steinunn, en´mér finnst hún svo ......... að mér finnst eitt enn fullkomlega nógu gott fyrir hana.  Og svo segir hún að hún verði fyrir einelti.  Hún veit ekki hvað einelti er sú ......  get ekki sagt það sem ég hugsa, enda búin að lofa að vera góð í dag, því besta vinkona mín á afmæli......

[Óskar Helgi Helgason (IP-tala skráð) 3.5.2010 kl. 17:11]

Heil og sæl; Ingibjörg !

Vitir þú ekki betur; sem innanbúðarkona, í ''Samfylkingunni'', þykir mér rétt að upplýsa þig um, að Lára er rótgróinn gæðingur, í spillingarbæli ykkar kratanna - þér; að segja.

Hefir verið handgengin; forystu ykkar, um langan aldur.

Hann liggur víða; stjórnmála viðbjóðurinn, Ingibjörg mín !!!

Með beztu kveðjum; sem jafnan /

Óskar Helgi Helgason 

[ThoR-E, 3.5.2010 kl. 18:30]

Augljóst er að stjórnarmenn í Seðlabankanum eru ekki í neinum tengslum við raunveruleikan. Hvað þá tengslum við þjóð sína.

Þetta fólk höfum við ekkert við að gera á launaskrá.

Sá sem fékk þessa hugmynd ætti að skammast sín.

[Ingibjörg Friðriksdóttir, 3.5.2010 kl. 18:54]

Lastu ekki færsluna mína Óskar Helgi Helgason.  Ég veit vel hver Lára er, hún býr hér rétt hjá mær, næstum í kallfæri....  Heldur þú að ég viti ekki hver Steinunn valdsjúka er, þá skjátlast þer.  Ég er meiri kommi en krati, og siðblindar kerlingar eða karlar munu aldrei fá því breytt.  Ég tel að jöfnuður og bræðralag sé það sem flestum kemur best.

Ég dæmi harðar fólk sem þykist sigla undir merkjum þess gildismats sem ég hef haft að leiðarljósi alla mína tíð.  Svo ef þú lest aðeins meira af færslunni minni, sérð þú að ég hef sagt mig frá SF og gengin til liðs við Besta flokkinn, enda er þeir sem eru þar í forystu, miklir sómamenn, hafa viðurkennt að hafa bæði reykt Kannabis og fleira ólöglegt stöff.  Þeir ætla að hafa allt uppi á borðum eins og það heitir. 

Það má vel vera að þeir klúðri málum, en það verðu þá alla vega gert með bravör, hoppi og híi og verða ekki með þessa helvítis helgislepju og leiðindakjaftæði.  Það verður gaman í blíðu og stríðu.

[Ingibjörg Friðriksdóttir, 3.5.2010 kl. 18:56]

Nú er stjórinn búinn að tjá sig.  Hann segir þetta ekki spurningu um launahækkun, heldur hversu mikla lækkun.  Látum helvítið fara, það er til nóg af góðu fólki.....

[Óskar Helgi Helgason (IP-tala skráð) 3.5.2010 kl. 22:50]

Heil og sæl á ný; Ingibjörg, og þið önnur - hér á síðu hennar !

Vel er; vel er, Ingibjörg mín. Það væsir ekki um þig; hjá þeim Jóni Gnarr.

Þið; kjósendur í Reykjavík vitið þó, hvar þið hafið hann - og hans fólk.

Með beztu kveðjum; sem þeim fyrri /

Óskar Helgi Helgason 

[Jóhannes Ragnarsson, 4.5.2010 kl. 21:40]

Finnst þér nú ekki fulldauft, Ingibjörg F. Ottesen, að ýta bara ið þessu liði?

Væri ekki nær að sparka af fullum þunga í bölvað rassgatið á því, svo það svifi eins og fúabrak í stormi út í hafsauga?