Takk fyrir það

Að sjálfsögðu, við hverju var að búast.

Ég er talsmaður hærri skatta, frekar en að ráðast á velferðarkerfið.  Jón Gnarr borgarstjóri vor þorir, vill, getur og kann að koma heiðarlega fram. 

Mér finnst það órtrúlegt að heyra fólk kveinka sér undan hærri sköttum, mér prívat og persónulega finnst það ekkert gaman að þurfa að borga meira, en það veitir mér öryggiskennd að ég skuli vera í þeirri stöðu að geta greitt meira og þannig lagt mitt að mörkum að minna verði um fátækt og ekki eins harkalega skorið niður í velferðarkerfinu.

Gleymum því aldrei hverjir það voru sem komu okkur í þessa stöðu.... ALDREI!

7000 krónur á fjögurra manna fjölskyldu

Athugasemdir

[Kári Örn (IP-tala skráð) 30.11.2010 kl. 15:51]

Miðað við poolara þá hefuru merkilega rétt fyrir þér

[Ingibjörg Friðriksdóttir, 30.11.2010 kl. 15:58]

Kári Örn, þakka þér.  Flestir verða óðir þegar minnst er á hærri skatta. 

En við Poollllararnir erum ekki af baki dottnir þrátt fyrir merkilega lélegt gengi núna í haust og það sem af er vetri.   Veit ekki hvar þetta endar eiginlega.

[Tryggvi (IP-tala skráð) 30.11.2010 kl. 17:38]

Ég held að við ættum heldur ekki að gleyma að hugsa til þess hvað hefði gerst hér í okt 2008 ef ríkisjóður hefði ekki verið skuldlaus.

Það er líka hægt að velta fyrir sér hvað hefði gerst öðruvísi ef aðrir væru við stjórn. 

Það má aldrei gleymast hve miklar klappstýrur samfylkingarmenn voru með bankageiranum og þeir komu í veg fyrir að einræðistilburðir á fjölmiðlamarkaði voru stöðvaðir. 

Nú er listamannaelíta komin til valda í borgini í boði  samfylkingarinnar. Hvað gerist? Niðurskurður á öllum sviðum þjónustu í borginni nema til menningarmála. Tilviljun? 

Ég hefði frekar viljað sjá minni framlög til borgarleikhússins en að skerða þjónustu sem börnin okkar fá í skólum og leikskólum. Ég hefði frekar viljað sjá fituna skorna af stjórnkerfi borgarinnar heldur en að láta almenningssamgöngur sitja á hakanum. 

[Ellert Júlíusson, 30.11.2010 kl. 18:20]

Tryggvi, er það ekki einmitt hluti af inntaki þessarar fréttar að þeir ætli meðal annars að skera niður í stjórnkerfinu.

Og Ingibjörg, ég og vonandi enginn mun gleyma því hver kom okkur hingað og þeim aðilum er hollast að hitta mig ekki í bónus (svo sem ekki miklar líkur á því) :)