Blendnar tilfinningar1

Um leið og ég finn til ákveðins léttis að Ingibjörg Sólrún skuli ætla að láta skynsemina ráða för, þá er ég bæði hrygg og hrædd.

Að mínu mati hefur Ingibjörg Sólrún verið einhver albesti talsmaður jöfnuðar og réttlætis.  Ábyggilega hefur heilsufar hennar sett strik í reikninginn síðustu mánuði og jafnvel ár, en það breytir ekki því að það er sjónarsviptir af jafn mikilvirkum stjórnmálamanni og hún hefur verið.

Ég var ákveðin í að kjósa hana til formanns,  en ekki endilega til þingetu. Það hræðir mig hinsvegar að formannsslagur gæti orðið okkur dýrkeyptur.  Ég er óhress með þær litlu breytingar sem virðast ætla að verða á þingmannaliði Samfylkingar.  Mér finnst að allt ráðherraliðiði fyrir utan Jóhönnu ættu að taka sér frí frá þingmennsku og ég er eiginlega að vona að flokksmenn muni sjá til þess.

Vonandi ber okkur gæfa til þess að finna nýjan formann sem er góður talsmaður fyrir hugmyndafræði jafnréttis og bræralags.

ÁFRAM ÍSLAND!

Ingibjörg Sólrún hættir

Athugasemdir

[Edda Agnarsdóttir, 8.3.2009 kl. 18:28]

 Hvað gerist næst? Ég er meir en lítið hugsi yfir þessu öllu saman. Ég er líka óhress með breytingaleysið!

[Rut Sumarliðadóttir, 8.3.2009 kl. 18:46]

Sammála þér Imba, hún hefur unnið gott strarf í þágu kvenna, það á vel við í dag að þakka henni það. Vil sjá meira af Valgerði og Jóhönnu, minna af Össuri, það þarf að breyta í framvarðasveitinni. Dagur og Mörður koma upp í hugann líka.

[Ingibjörg Friðriksdóttir, 8.3.2009 kl. 19:34]

Takk stelpur mínar.

VIð þurfum að finna næstum óumdeilt formannsefni.  Mörður er umdeildur og ekki sá besti til að vera formaður, en ég vil endilega að hann komist inn á þing. Dagur er sennilega sá sem verður fyrir valinu, þó að ég hefði gjarnan viljað fá Stefán Jón Hafstein til að koma frá Afríku og taka slaginn.

[Hilmar Gunnlaugsson, 8.3.2009 kl. 19:41]

Jón Baldvin er maður sem Íslendingar hafa í miklum metum og verður áhugavert að sjá hvort hann verði ekki næsti formaður Samfylkingarinnar. Ágúst Ólafur gæti einnig komið þar sterkur inn hyggi hann á endurkomu í stjórnmál. Ingibjörgu vil ég senda árnaðaróskir um bata.

[Hannes á horninu (IP-tala skráð) 8.3.2009 kl. 20:30]

Jón Baldvin????  NEI TAKK.  Alls ekki Jón Baldvin.  Allir adrir en Jón Baldvin koma til greina Himmi minn.

[Sóldís Fjóla Karlsdóttir, 10.3.2009 kl. 08:42]

Hver tekur nú við af Ingibjörgu Sólrúnu, það er spurningin.