Ég á í vandræðum.

Ég var eiginlega kommi, orðin krati og á leið að verða ??????  Það er eins og einhver sagði.  Fyrst lýðræði, svo fáræði og síðast höfðingjaræði. 

Nei, nei, það er engin hætta á því að ég verði íhald.  Ég yrði kommi á ný ef VG gætu séð nauðsyn þess að ganga í Evrópubandalagið.

Mig langar alveg svakalega að verðlauna Katrínu Jakobsdóttur fyrir það áræði að vera ein kvenna á alþingi, sem þorir að segja eitthvað í áttina að sannleikanum.  Auðvitað þarf að hækka skatta, lækka laun og þaðan af miklu verra.  Það segir sig sjálft að laun eru þegar farin að lækka.  Það gerist í verðbólgu og hún hefur verið á uppleið að undanförnu.

Já, ég kysi VG ef þeir gætur hundskast við að fara í aðildarviðræður við ESB. 

Vandræðin eru sem sagt þessi:  Ég á miklu meira sameiginlegt með VG en Samfylkingu, en ég tel að eina leið okkar út úr þessum vandræðum sé að henda íslensku krónunni og taka upp evru og ganga teinrétt inn í ESB  og þessvegna mun ég að öllum líkindum exa við SF

Hvað ætlið þið að gera?  

Athugasemdir

[Jóhannes Ragnarsson, 19.4.2009 kl. 21:47]

Nú, ef þú átt meira sameiginlegt með VG en Samfylkingu, þá kýstu náttúrlega VG. Svo skaltu fara til læknis í fyrramálið og fá eitthvað hjá honum við ESB-kvillanum. Það eru víst til helvíti góð meðöl sem feykja öllum ESB-órum útúr kollinum á fólki á svipstundu.

[Ingibjörg Friðriksdóttir, 19.4.2009 kl. 21:52]

Nei Jóhannes.  Afhverju ekki aðildarviðræður og sjá svo til?

[Jóhannes Ragnarsson, 19.4.2009 kl. 22:49]

Það verður að leiða þessa ESB-umræðu til lykta með einhverju móti, helst þjóðaratkvæðagreiðslu.

En fyrir alla muni má vinstristjórn eftir kosningar ekki stranda á mismunandi skoðunum fólks um ESB. Að mínu mati hafa vinstrsinnar á Íslandi lítið sem ekkert til hins kapítalíska ESB að sækja.

[Sóldís Fjóla Karlsdóttir, 20.4.2009 kl. 10:21]

Nota útilokunar aðferðina, það ætla ég að gera.

[Rut Sumarliðadóttir, 20.4.2009 kl. 11:13]

Ég er eins og Sóldís, nota útilokunaraðferðina, veit bara hvað ég ætla ekki að kjósa, það sama stendur í mér með VG, annars kysi ég þá.

[Krímer (IP-tala skráð) 20.4.2009 kl. 12:30]

Fyrrverandi formaður Samfylkingarinnar eyddi ómældum tíma og fé að koma Íslandi að í Öryggisráð Sameinuðu þjóðanna.  Á meðan þessu vanhugsaða gæluverkefni stóð átti fyrrverandi formanni SF að vera í lófa lagið að gera sér grein fyrir að á Íslandi var allt á leið til fjandans.

Nú er allt farið til fjandans.  Samfylkingin ætlar þá að eyða ómældum tíma og fé að koma Íslandi í Evrópusambandið.  Tímasetningin gæti ekki verið verri þar sem samningstaða Íslands er afar óhagstæð.  Núverandi formanni Samfylkingarinnar ætti að vera þetta ljóst og ég ætla rétt að vona að hún leggi ekki ofuráherslu á að koma Íslandi stórlöskuðu í Evrópusambandið.

Samfylkingin á stóra sök á stöðu Íslands í dag.  Samfylkingin er að reyna að skjóta sér undan ábyrgð og benda á að hún hafi alltaf viljað að Ísland gengi í Evrópusambandið og hefði Evru sem opinberan gjaldmiðli.  Þau rök eru hins vegar haldlítil þar sem hún tók við stjórnartaumunum með Sjálfstæðismönnum eftir síðustu kosningar.

Þetta er því aumkunarverð tilraun hjá þér fridust að reyna að rökstyðja stuðning þinn við Samfylkinguna á þeim grundvelli að Samfylkingin vill að Ísland gangi í Evrópusambandið.

[Brattur, 20.4.2009 kl. 20:57]

VG eiga svo sannarlega ítök í manni, sérstaklega hvað varðar verndun náttúruauðæfa... einnig eru þeir hreinir og beinir í sínum málflutningi... það er auðvelt að skilja hvað þeir segja meðan aðrir flokkar eru loðnir í svörum... gæti alveg hugsað mér að kjósa þá...

Hinsvegar er ég sammála þér með ESB og tel að ef við förum EKKI þar inn munum við missa sjálfstæði okkar frekar en hitt.
Með inngöngu í ESB munum við öðlast stöðugan efnahag með lægri vöxtum og lítilli verðbólgu og það er einmitt það sem fyrirtækin og heimilin þurfa mest á að halda í dag.

En aðalástæðan fyrir því að ég mun að öllum líkindum kjósa SF er : Jóhanna Sigurðardóttir.

[Ingibjörg Friðriksdóttir, 20.4.2009 kl. 21:52]

Takk Brattur.  Við erum í sama liði sem fyrr.

Ég var nokkuð ánægð með Björgvin Sig í kvöld.  Atli er minn maður líka og svo var það stelpan í Borgarahreyfingunni hún var djéskoti góð.

[Anna Einarsdóttir, 20.4.2009 kl. 23:59]

Krímer er búinn að gleyma að það voru Halldór Ásgrímsson og Davíð Oddsson sem langaði svo mikið í Öryggisráð Sameinuðu Þjóðanna.  Þeir voru þegar búnir að eyða á annan milljarð þegar Ingibjörg kemur að málum.  Er þá nokkuð í stöðunni fyrir Ingibjörgu annað en að klára málið ?  Hvað hefði þjóðin sagt ef hún hefði hent peningunum án þess að reyna,  fyrst búið var að sólunda öllu þessu fé ..... í tóma vitleysu auðvitað.

En þetta var upphaflega draumur Halldórs og Davíðs.

Ingibjörg.  Ef þú vilt ráð, kjóstu Samfylkinguna eða Vinstri Græna eða Borgarahreyfinguna.   

[Krímer (IP-tala skráð) 21.4.2009 kl. 00:53]

Segðu mér Anna Einarsdóttir, hvernig stendur á því að þú telur þig vita hverju Krímer er búin að gleyma?

Varðandi það að reyna til þrautar þá er aldrei of seint að breyta um stefnu og jafnvel skylt þegar gefur á bátinn.  Menn þurfa að koma hlutunum á réttan kjöl og haga seglum eftir vindi.

[Anna Einarsdóttir, 21.4.2009 kl. 08:18]

Krímer.

Þú segir   "Á meðan þessu vanhugsaða gæluverkefni stóð átti fyrrverandi formanni SF......"

Þú gefur í skyn að gæluverkefnið hafi verið Ingibjargar og þannig tel ég að þú munir ekki annað. 

En þetta eru svosem engin ný vinnubrögð sjálfstæðismanna.

[Krímer (IP-tala skráð) 21.4.2009 kl. 09:56]

Með tilvitnuðum orðum er ég ekki að gefa í skyn að gæluverkefnið hafi verið eingöngu Ingibjargar, aðeins að fyrrverandi formaður SF var þátttakandi í því.

Ég geri mér fulla grein fyrir því að undirbúningur að umsókn um aðild að Öryggisráði Sameinuðu þjóðanna tekur mun lengri tíma en þann tíma, sem fyrrverandi formaður SF sat í embætti utanríkisráðherra.

Að lokum Anna Einarsdóttir, ertu nú að gera mér það upp að vera sjálfstæðismaður?  Ef svo er, hvernig kemstu að þeirri niðurstöðu?

[Anna Einarsdóttir, 21.4.2009 kl. 12:18]

Þetta var bara skot út í loftið hjá mér Krímer. 

Vonandi hef ég rangt fyrir mér.

[Ingibjörg Friðriksdóttir, 21.4.2009 kl. 13:22]

Gjugg á bloggi. Gaman, gaman og takk ástsamlega Anna samherji fyrir að hjálpa mér.  Ég skaut á íhald líka,  fannst það rökrétt af skrifum hans að dæma, en auðvitað vonar maður alltaf hið gagnstæða.

Ég þigg ráðin, mun kjósa SF út af Evrópuskoðunum mínum.

Ég vil vera þjóð á meðal þjóða, maður í mannlegu samfélagi og endilega koma valdinu frá Sjálfstæðis og Framsóknamönnum.  Það á ekki að líðast að hægt sé að hygla fólki eftir flokksskírteini.  Ég vil jöfn réttindi fyrir mig og mína óháð skoðunum í stjórnmálum.

Hvaða uppeldi fá þeir sem vilja sífelt graðka til sín í stað þess að deila með sér?  Td. súkkulaði?

Ég treysti Jóhönnu Sigurðardóttur best fyrir okkar þjóð, einnig líst mér vel á málflutning þeirra í Borgarahreyfingunni og vona að þeir verði með í næstu ríkisstjórn.  Enda þora þeir að fara í aðildarviðræður og sjá hvað sé í boði fyrir okkar ríku en samt snauðu þjóð.

Ég hef nú venjulega ekki svarað nafnlausu kommenti en þó oft sé þörf. þá er nauðsyn nú að láta suma heyra það.

[Jóhannes Ragnarsson, 21.4.2009 kl. 22:27]

Ég sé að þú átt enn í stökustu vandræðum, Ingibjörg. Þú ættir að prófa að fara með þessi próblem þín til hjónabandsráðgjafa, þessháttar fagaðili væri meira en vís til að greiða úr flækjunni hjá þér.

En nú ætla ég að fara að draga mig inn í rúm og lesa eitthvað fallegt um félaga Stalín þangað til ég sofna. Það er örugg trygging  fyrir að vakna eldhress og endurnærður í fyrramálið.

[Ólöf Jóhanna Pálsdóttir, 22.4.2009 kl. 14:37]

Ekki get ég sagt þér hvað þú átt að gera, en reyndu að meta stöðuna og gera það upp við sjálfa þig. Allavegana ekki að láta aðra segja þér fyrir verkum og ekki hika við að breyta til. Allt of margir virðast ekki geta kosið annað en það sem þeir hafa alltaf kosið . Gangi þér vel að gera upp hug þinn og gleðilegt sumar og þökk fyrir veturinn.

[Ingibjörg Friðriksdóttir, 23.4.2009 kl. 14:08]

Takk öll fyrir að leggja mér lið.  Ég óska ykkur öllum Gleðilegs sumars með kærri þökk fyrir sérstakan vetur.

ÁFRAM OKKAR HEIMSÁLFA SEM ER EVRÓPA!

[Sóldís Fjóla Karlsdóttir, 23.4.2009 kl. 23:04]

Gleðilegt sumar.....

Ég veit núna hvað ég kýs....