Og það strax ef þeir vilja taka á móti okkur.

31.1.2009 | 10:55

Og það strax ef þeir vilja taka á móti okkur.

Þarna er ég sammála Steingrími.

Ég teldi það ekki ónýtt fyrir okkur Íslendinga að komast undir norska seðlabankann og loka þeim íslenska. Norðmenn eru snillingar þegar að peningamálum koma. Og þeir líða ekki spillingu, þar þurfa embættismenn að segja af sér af minnstu svikum.

Norðmenn hafa sýnt ráðdeild og skynsemi í fjármálum allt frá seinni heimstyrjöldinni og þeir hafa lifað eftir því náttúrulögmáli að „allt sem fer upp, kemur niður aftur“ Einnig eru þeir vel lesnir í kristnum fræðum og þekkja vel söguna um að á eftir hinum feitu sjö árum koma sjö mögur og hafa því safnað og geta tekið á móti niðursveiflunni. Það er eitthvað annað en við höfum gert.

Við höfum eytt og spreðað á ímynduðum feitum árum stöndum svo slipp og snauð á mögru árunum.

Við skulum ekki gleyma því að það erum við sem berum ábyrgð á stjórnvöldum, sem svo aftur bera ábyrgð á bankahruninu.

	Hugnast norska krónan
Ábyrgðarmaður færslu Tilkynna um óviðeigandi tengingu við frétt

Ingibjörg Friðriksdóttir

Flokkur: Dægurmál | Breytt s.d. kl. 11:07 | Facebook

Athugasemdir

Akkúrat... held að við getum verið í góðum málum með norðmönnun...veit að ábyrgð mín er mikil... en ég neita samt að bera ábyrgð á Geir... og bankahruninu... að mestu leiti...

Brattur, 31.1.2009 kl. 11:43

Sammála síðasta ræðumanni. Nema að ég átti enga ábyrgð á bankahruninu. Forbíð mér það. Ástandið er svo slæmt að allt annað en sama gamla tuggan verður góður kostur. Ég treysti hins vegar norðmönnum til allra góðra verka. Sammála þér með það. Þar væri ekki beðið með að koma vondu fólki frá.

Rut Sumarliðadóttir, 31.1.2009 kl. 11:49

Við sem þjóð berum ábyrgð á stjórnvöldum, vegna þess að það erum við sem kjósum þau.

Ég hef aldrei kosið Sjálfstæðisflokkinn, en einhverntímann kaus ég Framsókn í sveitastjórnarkosningum austur á Hvoslvelli.

En það eru klárlega stjórnvöld íhaldið og Framsókn, sem komu okkur á kné. En við sýndum það og sönnuðum að við fórum bara á hnén, við risum upp með því að slá í potta og pönnur og komum þessarri skaðræðisstjórn frá völdum.

Ég var á fundi Samfylkingar í Þjóðleikhúskjallaranum og segi og skrifa, það var magnaðisti fundur sem ég hef farið á.

Ég hefði gjarnan viljað taka til máls, en það voru svo margir sem komu fram sömu sjónarmiðum, að það var óþarfi að trana sér fram.

Ég vona að forystumenn flokka hafi fengið ótvíræð skilaboð. Þeir eru ekki einráðir, þeir verða að hlusta á grasrótina.

Ég bið almættið að sjá til þess að við bíðum ekki enn meiri skaða yfir því hversu lengi þau voru að taka við sér, þá ég ég við ráðherrana í Samfylkingunni.

Mér er sama hvaðan gott kemur, en ég held að það sé okkur ekki til framdráttar að mörg lítil framboð verði til.

Ég er sannfærð um að Vinstri grænir og Samfylking geta bætt hvorn annan upp. Rétt eins og í góðu hjónabandi þegar tveir nokkuð ólíkir einstaklingar verða að stórkostlegu pari.

Ég er langt til vinstri en löngu búin að sjá að við verðum að afla tekna til að halda uppi samfélagi sem byggir á félagshyggju.