Frábært

Það er gott að einhver gerir það gott án þess að ræna banka eða eitthvað þaðan af verra.

Eiður Smári er betri landkynning en flestir þeir Íslendingar sem hafa verið í sviðsljósinu undanfarin ár.  Við getum verið stolt af íþróttafólkinu okkar bæði stelpum og strákum.  Þetta eru krakkar sem leggja mikið á sig og þurfa að færa miklar fórnir til að ná svona langt. 

Ég hef heyrt öfundarraddir þeirra sem finnst allt of miklir peningar séu í fótboltanum og það nái ekki nokkurri átt að menn séu að þéna svona margar milljónir fyrir það eitt að sparka í tuðru.Ég hef ákveðið að hafa ekki neina skoðun á því hvað fótboltamenn og konur þéna, svo lengi sem þau ráðast ekki inn á bankareikningana mína, eða lífeyrissjóð. 

 Ég er svo heppin að hafa vinnu og geta keypt mig inn á Völlinn og núna er minn heittelskaði búinn að bjóða mér á Anfield  10 desember til að sjá okkar menn taka á móti Arsenölum.  Já minn karl veit sko hvernig hann á að hafa kerlinguna góða.   

 

Eiður Smári skrifaði undir

Athugasemdir

[Jose Mourinho (IP-tala skráð) 31.8.2009 kl. 21:23]

Verst hvað hann er latur.

[Ingibjörg Friðriksdóttir, 31.8.2009 kl. 21:28]

Hvernig getur latur maður náð svona langt.  Hvað með þig Mourinho, ert þú nokkuð latur?  Er einhver sérstök ástæða fyrir því að þú getur ekki komið fram undir nafni? 

Það þarf meiri seiglu, áræði og kraft að sparka fótbolta svo vel sé heldur en að vera með dulbúnar árásir á fólk.

[Davíð Aðalsteinsson (IP-tala skráð) 31.8.2009 kl. 21:42]

Ingibjörg ef þinn heittelskaði á aukamiða á Anfield 10 des þá á ég afmæli þá ;)

Annars bara gott mál að Eiður sé að fara til liðs þar sem hann fær að spila reglulega og vonandi fyrir hann og ekki síður okkur íslendinga að hann standi sig vel í furstadæminu og óska ég honum alls hins besta.

[fjölnir baldursson (IP-tala skráð) 1.9.2009 kl. 03:25]

Gott að hann fari að spila aftur,en það sem er verið að tala að hann sé latur.Það er svolítið til í því allt of oft er hann ekki að sína hvað hann getur og svo koma leikir þegar hann spilar eins og þeir 10 bestu. Hefði verið best fyrir hann að fara til West Ham. Zola hefði getað náð því besta úr honum.

[Ingibjörg Friðriksdóttir, 1.9.2009 kl. 07:52]

Eiður Smári er ekki latur maður en hann er mannlegur eins og við flest. Hann á sína góðu daga og sína ekki eins góða daga.

Er einhver tilbúin að segja að Margrét Lára sé löt?  Hún náði alls ekki að sýna sitt besta í Finnlandi.

Ég hefði viljað sjá Eið í Liverpool, ekki í West Ham.

Frábært að við skulum hafa skoðun á hvað Eiður Smári gerir. 

[sirry (IP-tala skráð) 1.9.2009 kl. 20:24]

Hef enga skoðun á málinu...

En hvernig er það mamma mín...ettu enn timbruð?

[Ólöf Jóhanna Pálsdóttir, 4.9.2009 kl. 16:58]

Já íþróttarfólkið okkar er að gera það gott.