GVÖÖÖÖÖÖÖÖÖÖÐ!..................

Gvöð!

Ég hef vissulega samúð með Geir og hans fólki í prívatlífinu.  Það er erfitt að takast á við veikindi af þessu tagi.

EN HVAÐ MEÐ ÞÁ SEM HAFA MISST VINNUNA OG EIGA FYRIR BARNASKARA AÐ SJÁ OG JAFNVEL BARA SJÁLFUM SÉR.

Það er alkunna að það að missa vinnuna, sjálfbjörgina, sé á við að missa ástvin.

Ég er furðu lostin yfir ummælum Harðar Torfasonar og hann væri maður að meiri ef hann bæðist afsökunar.

Geir er opinber maður, hann er kosinn af þjóðinni (samt ekki mér) til að gegna mjög svo opinberu embætti, og þessvegna ber honum skylda til að segja okkur frá veikindum sínum, en það breytir ekki því að hann er ömurlegur forsætisráðherra, sem stuðlað hefur að þeirri nýfrjálshyggju sem sett hefur þjóðina nánast „á hausinn“  ISG hefur ekki verið hlýft þrátt fyrir veikindi sín og ég sé ekki ástæðu til að mismuna eigi þeim tveim.

Bendi ykkur á að lesa ágætt blogg Óskars Arnórssonar um siðblindu stjórnvalda. Lesningin mun kannski opna augu sumra. http://huldumenn.blog.is/blog/thad_sem_eg_vil/

Geir með fullt starfsþrek

Sorglegt

 

Ég trúi ekki blint, það er fullt af fólki í SF sem ég er ekki sátt við en ég trúi því sem Ingibjörg segir og ég heyrði í fréttunum.  Trúi því ekki að hún hafi hótað henni heldur hafi hún varað vinkonu sína við, því tímar væru viðsjálir. 

Það getur oft reynst hvatvísum vel að vera áminntir um, að hugsa sig um áður en þeir tala eða gera.  Ég er ekki þar með að segja að Sigurbjörg sé hvatvís,  það hef ég ekki hugmynd um, var ekki á fundinum en ætla svo sannarlega að fylgjast með honum í sjónvarpinu annað kvöld.

 Ingibjörg Sólrún gerir mistök eins og við öll  mannanna börn,  þau hafa því miður verið of mörg upp á síðkastið og ég prívat og persónulega held að hún hefði átt að vera í veikindafríi síðustu mánuði, en hún hefur sennilega verið að fórna sér í stöðunni eins og allir ábyrgir gera.  Hún telur víst að ekki sé betra að íhaldið bjóði

Framsókn uppí og þeir í sameiningu eigi betra með að fela slóð. (mitt innlegg) Mér fyndist það sorglegra en tárum tæki ef það væri Ingibjörg Sólrún sem væri fyrst ráðherra til að segja af sér í þessari ríkisstjórn  það væri svipað og þegar Þórólfur þurfti að víkja úr borgarstjórastólnum fyrir samráð olíufurstana sem innvígðir og innmúraðir eru í Kolkrabba. og Sjálfstæðisflokkinn. 

Íhaldið hefur yfir að ráða ótrúlegri áróðursmaskínu.  Maður les það bæði í blöðum og bloggi að ISG verður fyrir miklu meiri árás en þeir Davíð og Geir og þeirra meðreiðarsveinar. Ekki hefur það enn heyrst að hún eða eiginmaður hennar hafi átt einhverja aðkomu að fjármálastofnunum landsins.

 Ekki er Ingibjörg Sólrún Gísladóttir eða hennar nánustu tengdir SI hópnum. Ég lýsi eftir því að bloggarar snúi sér í meira mæli að þeim sem hruninu ollu. 

 Ég get að sjálfsögðu ekki sagt til um það hverjir eru sekir  en þori að fullyrða að eftirtaldir voru ekki langt undan á þeim árum sem logið var að þjóðinni að hér væri betra að búa vegna kaupmáttaraukningar, sem hvergi ætti sér hliðstæðu:  Davíð, Halldór, Björn, Valgerður, Árni og allir þeirra meðreiðarsveinar og konur. Ég bið fyrir þjóðinni og vona að Ingibjörg Sólrún Gísladóttir komi heil heim og snúi sér að því sem hún er þekkt fyrir, eða segi af sér ella. Spillinguna burt! ÁFRAM ÍSLAND!   

Nógu lengi

Nú hefur myndin af okkur mæðgum verið nógu lengi í forgrunni svo að ég er að hugsa um að leyfa ykkur að sjá aðra sem er ekki síður góð.

 

Þetta myndi vera mynd af uppáhaldsnemendum mínum í Fossvogsskóla.

Frá vinstri séð: Egill, Ágúst, Sævar, Bjarki, Daníel Kolbeinn, Ingibjörg og á klukkunni heldur Dawid

Gleðilegt ár!

Óska öllum bloggurum árs og friðar.  Megi nýja árið færa okkur nær hvort öðru, meiri gleði og meiri samveru. 

Heilög þrenning:  Við mæðgurnar á góðum degi s.l. sumar.

Það er ekki oft sem við getum verið saman, þar sem dætur mínar búa erlendis og ekkert sem bendir til þess að þær séu á leið heim í ástandið sem hér ríkir.  Vonandi mun sá tími koma að þær hafi ríkari ásteæðu til þess að koma til Íslands en að heimsækja aldraða foreldra.  Ég el með mér þá von í brjósti að Ísland verði betri kostur til að búa á, en Svíþjóð og Ameríka

Nátturufegurð

myndin er tekin í Hrunamannahreppi 13. des. s.l. kl. 09:15

Óska bloggvinum mínum nær og fjær gleðilegra jóla og farsældar á komandi ári.

Pælið í því

Já, ég hef ákveðið að hætta við að skella í lás.

Ég ætla að láta fyrstu og síðustu færslu standa.  Hversvegna? Jú, til að minna mig á! ef mér skyldi detta í hug að detta í það.

Síðan 12. mars 2007 hef eg skrifað 162 færslur, hangið að jafnaði á netinu a.m.k. 1 klukkustund á dag sem gera 565 klukkutíma.

Ef maður deilir 173 klst. (sem er fjöldi vinnustunda í mánuði í100% starfi) í 565, þá hef ég ég verið í næstum 3,3 mánuði í fullu starfi við það að hanga á netinu.

Pælið í því! 3,3 mánuði á aðeins einu og hálfu ári rétt rúmlega. svo kvartar maður undan tímaleysi.

Auðvitað hefur oft verið gaman, en ekkert í samlíkingu við það að hitta vini og vandamenn, eins og maður gerði oft áður en INTERNETIÐ kom til sögunnar.

Á fölskum forsendum kynntist ég hóp bloggara með tattoo. Það var mjög skemmtileg upplifun og sé ég ekki eftir því, þó að kynnin hefðu mátt verða meiri og betri.

Að ég sé að hætta núna er einfaldlega af því að þrátt fyrir háan aldur, þá hef ég nóg að gera, er í meira en 100% starfi, auk þess að bera út fréttablaðið alla virka daga. Svo er ég alltaf að læra eitthvað.

Mun auðvitað kveikja á tölvunni stöku sinni og sjá hvað um er að vera í bloggheimum, en .þangað til að ég ákveð annað. 

Bless, bless,bless,bless,bless,bless,bless,bless,bless og kærar þakkir fyrir allan þann tíma sem þið hafið eytt í mig.

TÍMINN VERÐUR MÉR DÝRMÆTARI EFTIR ÞVÍ SEM ÉG ELDIST.

VEGNA ANNA

Vegna anna, hef ég ákveðið að loka bullsíðunni minni fyrir mánaðamót.  Kannski opna ég nýja síðar, en þá verður sú síða í takt við aldur minn og virðingu.  Hingað til hef ég mest bullað um allt og ekki neitt, sumir tekið mig heldur alvarlega, en ég get svo svarið það, að aldrei hefur meiningin verið  að  að særa eða móðga nokkurn mann.  Heldur ekki í þeim kommentum sem ég hef látið frá mér fara á síðum annarra.

Þakka ykkur samfylgdina á liðnum mánuðum, þeir sem vilja hafa samband við mig prívat er bent á netfangið mitt sem er í nánari upplýsingum um mig, ef smellt er á myndina.  Ég hef nú þegar lokað fyrir kommentaskjóðuna.  Gestabókin verður opin til mánaðamóta, en eftir það loka ég alfarið. 

Sérstakar kveðjur sendi ég til þeirra sem að stofnuðu TAFLFÉLAG BLOGGARA MEÐ TATTOO.

HA DET BRA!

fridust

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.